Bunaíodh Gael Linn i 1953 ar mhaithe le fiontair úra a chur chun cinn chun leasa na Gaeilge. Leanann an comhlacht leis an bhfealsúnacht fiontraíochta a chur chun cinn tríd an réimse leathan d’imeachtaí a dtugann foireann Gael Linn fúthu ó bhliain go bliain.

Is í príomhaidhm na heagraíochta ná an Ghaeilge agus a hoidhreacht a chothú agus a chur chun cinn ar fud na hÉireann i réimsí polasaí agus pobail, mar theanga bheo agus mar spreagadh féiniúlachta. Cuimsíonn gníomhchlár Gael Linn trí phríomhréimse; an réimse oideachais, gníomhaíochtaí chun tácú le húsáid na Gaeilge agus réimse gnó na heagraíochta. 

                                                                         FÓGRA

Coláistí Samhraidh Gael Linn Tá áiteanna fós ar fáil ar chúrsaí samhraidh Gael Linn. Eagraítear cúrsaí Gaeltachta i gCo.Dhún na nGall, i gCo. Chorcaí agus i gCo. Mhaigh Eo. Dóibh siúd nach bhfuil ábalta freastal ar an nGaeltacht eagraítear cúrsaí dóibh i gCeannáras Gael Linn ar Shráid an Dáma, Baile Atha Cliath. Chun tuilleadh eolais a fháil cliceáil anseo.

Eolas:
Gael Linn, 35 Sráid an Dáma, Baile Átha Cliath 2 Tel: 01.6751200 Rphost: eolas@gael-linn.ie
Gael Linn, 20 Bóthar na hEaglaise, Ard Mhacha BT61 7Qz Tel: 048 37522162 Rphost: info@gael-linn.net