Fondúireacht neamhpholaitiúil, neamhrialtasach is ea Gael Linn, a bunaíodh sa bhliain 1953 agus a bhfuil mar phríomhaidhm aici an Ghaeilge agus a hoidhreacht a chothú agus a chur cinn ar fud Éireann uile i réimsí polasaí agus pobail mar theanga bheo agus mar spreagadh féiniúlachta. I réimse an oideachais tá Gael Linn i mbun teagaisc na Gaeilge ar a chuid cúrsaí féin, chomh maith le tacú le múineadh na teanga sna scoileanna trí imeachtaí cultúrtha a reáchtáil, áit a dtugtar deis do scoláirí na teanga an Ghaeilge a úsáid ar bhealach thar a bheith tarraingteach agus go nádúrtha mar theanga labhartha. Aithnítear lipéad ceoil Gael Linn mar chomhartha de cheol traidisiúnta agus d'amhránaíocht den scoth. Tá luach agus saibhreas na mblianta i gcatalóg Gael Linn de shaothar taifeadta d'ardchaighdeán. I measc na n-oirfideach ar chatalóg Gael Linn tá Seán Ó Riada, Aoife Ní Fhearraigh, Áine Uí Cheallaigh, Seosamh Ó hÉanaí agus Paddy Glackin.