Comórtas Díospóireachta an Phiarsaigh 2025
Tá an comórtas seo á reáchtáil ag Gael Linn do scoileanna iarbhunleibhéil nach
ndéantar teagasc iontu trí Ghaeilge, agus dóibh siúd amháin.
Tá Leabhrán Rialacha an Chomórtais ar fáil ANSEO
Aidhm an Chomórtais
· Is chun leas na Gaeilge atá an comórtas seo á reáchtáil. Chuige sin is dóigh linn gur féidir na díospóireachtaí a úsáid mar áis chun an teanga a mhúineadh trí rannpháirtíocht an ranga go léir. Is féidir é seo a dhéanamh ar shlite éagsúla, mar shampla:
o an rang ar fad a chur ag déanamh taighde ar ábhar an rúin
o ábhar an rúin a thabhairt mar aiste don rang agus na tuairimí a thagann aníos a phlé sa rang
o an rang ar fad a ghríosadh le freastal ar na díospóireachtaí.
Iontráil
1. Léigh na Rialacha ar fad go cúramach ANSEO.
2. Cliceáil ar CLÁRAIGH ar bharr an leathanach seo agus lean na treoracha chun an fhoirm a líonadh agus chun é a sheoladh ar aghaidh chugainn ar líne.
3. ‘Sé an dátá deiridh iontrála ná 7 Deireadh Fómhair 2024
4. Beidh táille €15/£15 ar fhoireann a chlárú.
Reáchtáil an Chomórtais
· Beidh córas nua á chur i bhfeidhm i gComórtas Díospóireachta An Phiarsaigh. Beidh an comórtas roinnte mar seo:
· Babhta 1: Dhá dhíospóireacht ar líne trí ZOOM; Deireadh Fómhair go 1. tús mhí na Nollag
· Babhta 2: Aghaidh ar aghaidh leis an 32 fhoireann is fearr ó bhabhta 1; Mí Eanáir ar aghaidh
· Babhta 3: Aghaidh ar aghaidh, leis an 16 fhoireann bhuacach ó bhabhta 2 (x4 Craobh Réigiúnach)
· Babhta 4: Aghaigh ar aghaidh, 4 fhoireann bhuacach ó bhabhta 3 (Craobh na hÉireann)
Na Foirne
· Triúr a bheidh ar gach foireann.
· Tá sé riachtanach go mbeadh ionadaí ag gach foireann ar eagla nach mbeadh duine den triúr ar fáil ar lá na díospóireachta.
· Labhróidh an triúr ar an taobh céanna den rún: Cainteoir 1 (Captaen); Cainteoir 2; Cainteoir
· Chomh maith lena chuid pointí féin a dhéanamh, beidh sé mar dhualgas ar an gCaptaen sainmhíniú a thabhairt ar an rún agus seasamh a fhoirne ina leith a leagan amach. Ní bheidh ar an gCaptaen labhairt faoi dhó.
Tá Leabhrán Rialacha an Chomórtais ar fáil ANSEO
Díospóireachtaí ar líne
· Beidh sé ina bhuntáiste do gach scoil a bheith páirteach sna babhtaí ar líne mar:
o beidh deis ag daltaí dul i dtaithí le leagan amach díospóireachtaí sula mbíonn orthu cinn a dhéanamh os comhar slua
o Beidh aiseolas le fáil ó mholtóirí ar gach díospóireacht
o Beidh níos mó solúbthachta ann do na scoileanna i dtaobh sceidil na ndíospóireachtaí
· Beidh gach scoil atá ag glacadh páirt sna díospóireachtaí roinnte i ngrúpaí de sé fhoireann.
· Beidh dhá fhoireann i mbun díospóireachta lena chéile sna babhtaí a bheidh ar líne.
· Is ar ZOOM a bheidh an babhta seo ar siúl, agus caithfear taifeadtaí na ndíospóireachtaí a sheoladh chuig Gael Linn mar nasc YouTube “unlisted” roimh an spriocdháta a thabharfar ag tús an chomórtais.
· Tar éis gach díospóireachta i mbabhta 1, cuirfear an 32 foireann a bhfuil an líon is airde pointí acu ar chlár na gcinnirí. Is iad an 32 fhoireann a bhfuil an líon is mó pointí acu ar an gclár sin ag deireadh bhabhta 1 a rachaidh ar aghaidh go dtí babhta 2 (aghaidh ar aghaidh).
Rialacha Ginearálta
1. Tá an comórtas seo oscailte d’iarbhunscoileanna nach ndéantar teagasc trí Ghaeilge iontu agus dóibh siúd amháin.
2. Beidh an comórtas roinnte mar seo: babhta amháin ar líne le dhá dhíospóireacht ag gach scoil, agus díospóireachtaí aghaidh ar aghaidh ó bhabhta 2.
3. Beidh dhá rannóg sa chomórtas - Roinn na Sóisear agus 3. Roinn na Sinsear.
4. Is do dhaltaí atá i ranganna an Teastais Shóisearaigh Roinn na Sóisear.
5. Is do dhaltaí atá i ranganna na hArdteistiméireachta Roinn na Sinsear (an Idirbhliain san áireamh).
6. Ní ceadmhach d’aon scoil níos mó ná foireann amháin a chur isteach i Roinn na Sóisear agus foireann amháin i Roinn na Sinsear.
7. Beidh táille iontrála de €15.00 le híoc ag gach foireann.
8. Ní bheidh aon dul thar bhreith na moltóirí ag na babhtaí díospóireachta agus ní chuirfear marcanna pearsanta na moltóirí ar fáil.
9. Sna díospóireachtaí ó bhabhta 2 ar aghaidh, déanfar iarracht amanna agus ionaid a roghnú a fheilfidh do na hiomaitheoirí ach caithfidh múinteoirí glacadh leis na socruithe a dhéanfaidh Gael Linn. Beidh formhór na mbabhtaí ag tosú ag 5PM (Luan go Déardaoin).
Tá Leabhrán Rialacha an Chomórtais ar fáil ANSEO
Corás Marcála:
Tuairimíocht (40 marc) - Na Cainteoirí Uile
1. Dhá nó trí phointe a roghnú agus iad a fhorbairt go maith
2. Cloígh leis an rún an t-am ar fad – ní miste foclaíocht an rúin a lua am éigin sa chaint.
3. Níor chóir go mbeadh an pointe céanna ag aon bheirt chainteoirí ar aon fhoireann amháin.
4. Fáilteofar go speisialta roimh thuairimíocht úr mhacánta ar cheisteanna seachas dearcadh atá seanchaite.
Bréagnú (20 marc) - Cainteoir 2 & 3
1. B’fhearr gan an fhreagairt ar fad a dhéanamh ag an tús ná deireadh, is fearr í a shníomh isteach sa chaint.
2. Tá sé tábhachtach go n-éisteofaí go cúramach le tuairimí an fhreasúra agus nach ndéanfaí iarracht pointí nach ndearnadh in aon chor a fhreagairt.
3. Ní leor a rá go bhfuil pointe éigin ag an bhfreasúra mícheart agus an scéal a fhágáil mar sin.
4. Caithfear a léiriú go soiléir, trí fhíricí nó trí shamplaí a úsáid, cén fáth, i dtuairim an chainteora, a bhfuil an pointe mícheart.
5. Is leor pointe a bhréagnú uair amháin. Ná bíodh an pointe céanna á bhréagnú ag baill éagsúla den fhoireann.
6. Níor chóir aon bhréagnú a dhéanamh ar phointí a dhéanfaidh foireann eile atá ag labhairt ar an taobh céanna den rún.
Teacht i Láthair (25 marc) - Na Cainteoirí Uile
1. Is cóir seasamh mórán san áit chéanna an t-am ar fad agus úsáid a bhaint as an léachtán. Ní maith an rud é a bheith ag siúl timpeall na háite. Cailleann na hargóintí a n-éifeacht má bhíonn ar an lucht éisteachta an cainteoir a leanúint ó áit go háit.
2. Is maith an rud na lámha, an aghaidh agus na súile a úsáid le béim a chur ar phointe más féidir leis an gcainteoir é seo a dhéanamh go nádúrtha.
3. Níor cheart an chaint ar fad a scríobh roimh ré mar go bhfuil an baol ann go léifí amach ar fad í. Is fearr úsáid a bhaint as cártaí beaga le ceannteidil orthu. Beidh na moltóirí an-dian ar iomaitheoirí a léifidh amach a gcuid cainte ó script atá réamhscríofa.
4. Is cóir labhairt amach go breá soiléir agus an guth a ardú 4. agus a ísliú de réir mar is gá.
5. Is leis an lucht féachana a labhraíonn gach cainteoir, fiú agus bréagnú a dhéanamh. Is cóir tagairt a dhéanamh den duine atá a bhréagnú seachas casadh timpeall agus labhairt go díreach leis.
6. Is ar an bhfocal labhartha atá an bhéim i ndíospóireachtaí agus, dá bhrí sin, muna n-úsáidtear go han-éifeachtach iad, ní haon bhuntáiste é frapaí (ar nós pictiúirí, ailt, ó nuachtáin, etc) a thaispeáint don lucht féachana.
Líofacht Ghaeilge (15 marc) – Na cainteoirí uilig
1. Ba chóir labhairt i nGaeilge chruinn shimplí. Is díospóireachtaí trí mheán na Gaeilge atá i gceist, ní comórtas teanga.
Obair fhoirne (30 marc)
1. Ní mór don fhoireann cloí 1. go dlúth leis an rún.
2. Ní mór oibriú de réir phlean an Chaptaein.
3. Ní mór argóintí móra an fhreasúra a fhreagairt.
4. Ní mór don fhoireann a léiriú go bhfuil sé ar a gcumas feidhmiú mar fhoireann seachas mar thriúr cainteoirí aonaracha.
Córas Marcála don Bhabhta ar líne
· Beidh an corás céanna marcála á úsáid sna díospóireachtaí ar líne (Babhta 1) agus na díospóireachtaí aghaidh ar aghaidh (Babhta 2 ar aghaidh).
· I ndiaidh an córas mharcála thuas a úsáid, tabharfaidh na moltóirí marc as 10 don dá fhoireann in aon díospóireacht i mbabhta 1 (ar líne).
· Is é an marc seo as 10 a bheidh le feiceáil ar scórchlár an ghrúpa ina bhfuil an 6 fhoireann mar ghrád ghinearálta ar chaighdeán na díospóireachta. Beidh an marc as 10 céanna den 32 fhoireann is airde amháin as na grúpaí uile le feiceáil ar chlár na gcinnirí chomh maith le haon pointí bhreise atá tuillte acu.
Beidh na pointí breise seo á mbronnadh mar seo:
1. Beidh dhá phointe sa bhreis le fáil 1. má tá an bua ag aon fhoireann.
2. Beidh pointe amháin sa bhreis le fáil má chríochnaíonn an dá fhoireann ar chomhscór.
3. Ní bheidh aon phointe breise le tuilleamh ag an bhfoireann nach bhfaigheann an bua.
Is iad an 32 fhoireann leis an líon is mó pointí ar chlár na gcinnirí tar éis an dá dhíospóireacht I mbabhta 1 (ar líne) a rachaidh ar aghaidh chuig Babhta 2 (aghaidh ar aghaidh).
Físeáin Eolais
Tá ceithre fiseáin eolais ar na hábhar seo a leanas ar fáil ar YouTube thíos:
Cúrsaí Ama ANSEO
Leagan Amach Seomra na Díospóireachta ANSEO
Ag déanamh Taifeadadh ar ZOOM ANSEO
Ag Uaslódáil go YouTube ANSEO
Leabhrán Rialacha an Chomórtais ANSEO
Duaiseanna
· Bronnfar duaiseanna aonair i bhfoirm plaiceanna ar na cainteoirí ar fad ag na Craobhacha Réigiúnacha.
· Ag Craobh na hÉireann, bronnfar Buanchorn Gael Linn agus duais de luach €1,000 ar churaidh na hÉireann, Sóisear agus Sinsear. Bronnfar duais de luach €250 an fhoireann ar na foirne eile sa Craobh.
· Bronnfar teastas speisialta ar na cainteoirí ar fad sa Chraobh. Bronnfar teastais chomórtha ar an ócáid ar gach scoil a bheidh páirteach sa Chraobh.
FURTHER INFORMATION
Kevin Garcia Ó Grádaigh
kevin@gael-linn.ie | 087 057 8801
Gael Linn, 35 Sráid an Dáma, Baile Átha Cliath 2. D02 H797