Scléip Gael Linn 2025
Is comórtas tallainne agus spraíúil é Scléip atá oscailte do na hiarbhunscoileanna lán-Ghaeilge amháin, le béim ar na healaíona comhaimseartha. Tugtar deis do dhaltaí iarbhunscoile ceol agus amhráin a chur ar stáitse os comhair lucht féachana agus moltóirí proifisiúnta, in amharclanna ó cheann ceann na tíre.
Beidh réamhbhabhtaí Scléip ar siúl i rith mí na Samhna in amharclanna timpeall na tíre. Is iad seo dátaí na réamhbhabhtaí:
- Déardaoin, 21 Samhain 2024: Amharclann an Ionaid Óige, Mainistir Fhear Maí
- Dé Máirt, 26 Samhain 2024: Amharclann The Alley, An Srath Bán
- Déardaoin, 28 Samhain 2024: Amharclann an Clasach, Cluain Tarbh
- Dé Máirt, 3 Nollaig 2024: The Black Box, Bóthar na Díge, Gaillimh
Beidh Craobh na hÉireann den chomórtas?ar siúl ar an?gCéadaoin, 5 Feabhra 2025 i mBaile Átha Cliath.
Tá roinnt athruithe teagtha ar rialacha/coinníollacha Scléip agus na comórtais taobh istigh de mar gheall ar an éileamh atá ann a bheith páirteach i Scléip. Iarrtar ort léamh tríd na hathruithe go cúramach sula ndéantar iontráil ar na comórtais.
Tar éis duit na rialacha/coinníollacha ginearálta thíos ar fad a léamh go cúramach, líon isteach an fhoirm iontrála ag barr an leathanaigh, agus seol ar aghaidh chugainn í, leis an táille chuí roimh an dáta deiridh iontrála,Dé hAoine, 18 Deireadh Fómhair 2024.
(Má bhíonn aon fhadhb agat déan teagmháil le Mairéad Ní Neachtain, maireadn@gael-linn.ie / 087 359 3957).
COINNÍOLLACHA GINEARÁLTA
- Tá an comórtas oscailte do dhaltaí sna hiarbhunscoileanna Gaeltachta, Gaelcholáistí agus aonaid lán-Ghaeilge amháin. Caithfidh gach iomaitheoir a bheith ag freastal go lánaimseartha ar cheann de na scoileanna sin agus is gá fianaise a thabhairt go bhfuil daltaí ag freastal ar an aonad lán-Ghaeilge más cuí.
- Is do dhaltaí sna ranganna teastas sóisearaigh Rannóg na Sóisear agus is do dhaltaí sna ranganna ardteistiméireachta Rannóg na Sinsear. Áirítear daltaí na hidirbhliana mar dhaltaí sinsearacha. I dTuaisceart Éireann, beidh an rannóg shóisearach oscailte do dhaltaí GCSE agus an rannóg shinsearach do dhaltaí A-Leibhéal. Rannóg amháin (i.e. Daltaí Sóisearacha nó Daltaí Sinsearacha, nó meascán de na haoisghrúpaí seo) a bheidh sa chomórtas Slua-Amhránaíochta.
- Ceadaítear d’aon scoil suas le beirt iomaitheoir/dhá ghrúpa a iontráil i ngach comórtas (i.e. 2 Sóisear/2 Sinsear/2 ghrúpa). Ní féidir le duine atá páirteach i gcomórtas aonair shóisearach a bheith páirteach sa gcomórtas sinsearach freisin.
- Sna comórtais do ghrúpaí ina bhfuil dhá rannóg iontu i.e. Sóisear agus Sinsear,?beidh cead ag duine ó rang sóisearach a bheith i ngrúpa sinsearach, fad is nach mbíonn an duine sin páirteach sa chomórtas céanna sa rannóg shóisearach le grúpa eile. In aon chomórtas do ghrúpaí ní bheidh cead ag aon duine a bheith páirteach sa chomórtas céanna le dhá ghrúpa dhifriúil. Dar ndóigh, ní féidir le dalta sinsearach páirt a ghlacadh in aon chomórtas shóisearach.
- Is gá múinteoir ón scoil a bheith luaite mar theagmhálaí ar an bhfoirm iontrála. Is féidir le caomhnóir freastal ar an gcomórtas leis an iomaitheoir sa chás nach bhfuil an múinteoir ainmnithe ar fáil.
- Is tríd an ríomhphost is mó a choinneofar i dteagmháil leis na múinteoirí a bheidh ag déileáil linn maidir le Scléip. Dá bhrí sin, tá sé tábhachtach seoladh ríomhphoist na scoile agus seoladh ríomhphoist an mhúinteora féin a bheith soiléir ar an bhfoirm iontrála. Ní roinnfear aon sonraí pearsanta le haon tríú páirtí.
- Glacfar le téama ar bith ach caithfidh liricí na hamhráin a bheith in oiriúint do chomórtas scoile (ní cheadaítear píosaí ciníocha, díobhálacha, nimhneacha srl).
- Beidh sé de cheart ag Gael Linn íomhánna a ghlactar ag imeachtaí Gael Linn a úsáid mar ábhar poiblíochta don eagraíocht amach anseo ach an cead sin a bheith faighte againn roimh ré ó scoileanna.
- Tá an comórtas seo á reáchtáil trí mheán na Gaeilge agus is í an Ghaeilge teanga chumarsáide agus teanga fheidhmeach an chomórtais. Ní ghlacfar ach le míreanna trí Ghaeilge. Iarrtar ar mhúinteoirí agus ar chaomhnóirí a chinntiú go bhfuil Gaeilge á labhairt ag na rannpháirtithe le linn imeachtaí Scléip.
- Moltar go ndéanfadh múinteoirí léamh profaí ar liricí.
- Déanfar dícháiliú?ar aon duine a úsáideann fuaimriain le liricí in aon teanga seachas i nGaeilge. Moltar leagan ‘karaoke’ a úsáid mura bhfuil ceol le liricí i nGaeilge oiriúnach.
- Is gá cloí le hord reatha an lae.
- Caithfidh gach mír a bheith laistigh den am atá ceadaithe.
- Iarrtar ar gach scoil bheith i láthair don chomórtas iomlán, oiread agus is féidir, agus a bheith mar lucht féachana nuair nach bhfuil siad ar stáitse.
- Ní cheadófar rannpháirtíocht tuismitheoirí nó múinteoirí ar an stáitse féin.
- Tá cead éide scoile nó gnáthéadaí a chaitheamh. Faoin scoil atá sé an cinneadh sin a dhéanamh.
- Is faoi na hiomaitheoirí atá sé aon fheisteas, uirlis cheoil, aimplitheoirí nó taca atá de dhíth orthu a eagrú.
- Má tá fuaimrian taca in úsáid ag iomaitheoirí, tá sé tábhachtach?an ceol a sheoladh ag úsáid wetransfer.com chuig maireadn@gael-linn.ie ar a laghad seachtain roimh réamhbhabhta/craobh.
- Tógfaidh na moltóirí san áireamh an luach siamsaíochta a bhaineann le gach mír agus iad i mbun oibre. Mar threoir dóibh féin agus do na hiomaitheoirí, áfach, beidh an córas marcála thíos in úsáid acu. Ní chuirfear marcanna na moltóirí ar fáil d’aon duine.
- Is féidir go mbainfear marcanna d’aon mhír a théann thar an uasmhéid ama atá luaite le gach comórtas.
- Luíonn an cinneadh deiridh maidir le buaiteoir(í) an chomórtais leis na moltóirí. Ní cheadófar aon chomhfhreagras leis na moltóirí maidir lena gcinneadh.
- Bronnfar áit sa chraobh ar bhuaiteoirí na réamhbhabhtaí.
- Beidh cead ag iomaitheoirí athruithe a dhéanamh ina léiriú ón réamhbhabhta, go háirithe má bhí siad molta ag an moltóir, ach a bheith cinnte go bhfuiltear fós ag cloí le rialacha an chomórtais.
- Bronnfar plaiceanna comórtha ar dhuaiseoirí na craoibhe.
- Bronnfar Gradam Scléip ar an mhír is fearr ag an gCraobh agus?bronnfar Gradam NÓS.ie ar an amhrán nuachumtha is fearr ag an gCraobh.
Cuirfidh Gael Linn fáilte roimh aiseolas i leith an chomórtais i ndiaidh na craoibhe.
Tá polasaí árachas dliteanas poiblí ag Gael Linn a chlúdaíonn ár gcuid scéimeanna ar fad. Ag na himeachtaí a eagraítear do dhaltaí scoile, áfach, is éascaitheoir é Gael Linn seachas maoirseoir, agus ní mór múinteoir nó duine fásta a bheith ainmnithe ag gach grúpa a bheidh freagrach as sábháilteacht agus maoirseacht na ndaltaí.
Amhránaíocht Pop/Rac/Rap
(le féintionlacan) | Guth/ Guthanna
35 | Tionlacan 25 | Rithim
10 | Léiriú/Luach
Siamsaíochta
20 | Rogha Amhráin
10 | IOMLÁN
100 |
Amhránaíocht
Pop/Rac/Rap
(le tionlacan ó fhuaimrian taca) | Guth
50 | | Rithim
15 | Léiriú/Luach Siamsaíochta
20 | Rogha Amhráin
15 | IOMLÁN
100 |
Ceol Uirlise Aonair sa stíl Pop/Rac/Snagcheol | Scileanna
Ceoil
50 | Léiriú/Luach
Siamsaíochta
20 | Rithim
10 | Rogha Ceoil
20 | | IOMLÁN
100 |
Slua-amhránaíocht | Guthanna 40 | Léiriú/Luach
Siamsaíochta
20 | Rithim
10 | Gluaiseachtaí
20 | Rogha Amhráin
10 | IOMLÁN
100 |
|
| | | | | |
(NB! Déan tagairt do na COINNÍOLLACHA GINEARÁLTA thuas chomh maith!)
1. AMHRÁNAÍOCHT AONAIR SA STÍL POP/RAC/RAP LE FÉINTIONLACAN (Sóisear agus Sinsear)
- Glacfar le hamhránaithe aonaracha amháin sa chomórtas seo, agus iad i mbun amhránaíochta le féintionlacan ceoil. Beifear ag súil le hamhráin sa stíl Pop, Rac, Rap, srl.
- Glacfar le hamhráin le liricí nuachumtha nó le liricí a aistríodh go Gaeilge. Cuirfear fáilte ar leith roimh shaothar iomlán nuachumtha, idir ceol agus liricí, agus iarrtar ar na hiomaitheoirí a chur in iúl ón stáitse más saothar nuachumtha atá i gceist.
- Moltar go láidir go ndéanfadh múinteoirí léamh profaí ar liricí.
- Ní ghlacfar le fuaimrian taca sa chúlra ná le ceoltóir ar bith eile ar an stáitse.
- Glacfar le meascraí.
- Beidh cead ag scoileanna suas le 2 iomaitheoir a iontráil sa rannóg shóisearach agus suas le 2 iomaitheoir a iontráil sa rannóg shinsearach.
- Uasmhéid ama – 4 nóiméad.