Craobh na hÉireann, Comórtas Díospóireachta An Phiarsaigh 2023
Dé Máirt, 28 Márta 2023 – Óstán an Lucan Spa, Leamhcán, K78 X3H3
Ar an Mháirt, 28 Márta 2023, tabharfaidh foirne díospóireachta ó scoileanna éagsúla a ndéantar teagasc i mBéarla iontu ó cheann ceann na tíre aghaidh ar Óstán an Lucan Spa, Leamhcán, Co. Áth Cliath chun dul san iomaíocht i gCraobh na hÉireann de Chomórtas Díospóireachta An Phiarsaigh.
Tá Comórtas An Phiarsaigh á reáchtáil ag Gael Linn d’iar-bhunscoileanna a ndéantar an teagasc iontu trí Bhéarla. Bhí líon mhór scoileanna cláraithe do chomórtas na bliana seo agus bhí siad páirteach i mbabhtaí ó mhí Dheireadh Fómhair. Eagraítear an comórtas le hurraíocht ó Fhoras na Gaeilge. Is bliain mhór í 2023 do Gael Linn agus an eagraíocht ag comóradh 70 bliain a bhunaíodh í.
Dhá dhíospóireacht, Sóisear agus Sinsear, a bheidh ann ar an Máirt seo agus is í An Dr Neasa Ní Chiaráin, Ollamh Cúnta le Teicneolaíocht Urlabhra & Teanga, Coláiste na Tríonóide, a bheidh mar aoichainteoir ag an ócáid. Tá sean taithí ag Neasa ar chomórtais díospóireachta Gael Linn mar gur ghlac sí féin páirt iontu ina hóige agus í ag freastal ar Choláiste Ráithín.
Beidh deis ag na buaiteoirí an dá rannóg ar phríomhdhuaiseanna arbh fhiú €1,000 iad, i dtaca le Corn Gael Linn a thabhairt leo ag Craobh na hÉireann. Seo a leanas na socruithe don dá dhíospóireacht agus beidh fáilte mhór roimh an bpobal.
Ionad : Óstán an Lucan Spa (The Lucan Spa Hotel), K78 X3H3.
Dáta : Dé Máirt, 28 Márta 2023 Doirse: 4.45 i.n.
5.00 i.n. – Sóisear
Foireann A: Meánscoil na Toirbhirte, Durlas, Co. Thiobráid Árainn
Foireann B: Scoil Pháirc Sandford, Raghnallach, Baile Átha Cliath
Foireann C: Méanscoil Loreto, Loch Garman, Baile na Gaoithe, Co. Loch Garman
Foireann D: Coláiste Ghearóid Naofa, Caisleán an Bharraigh, Co. Mhaigh Eo
Rún: ‘Tá cáil na hÉireann mar náisiún fáilteach tuillte againn’.
6.00 i.n.- Sinsear
Foireann A: Meánscoil Loreto, Leitir Ceanainn, Co. Dhún na nGall
Foireann B: Mainistir Loreto, Deilginis, Baile Átha Cliath.
Foireann C: Coláiste Belvedere, Baile Átha Cliath
Foireann D: Coláiste na Toirbhirte, An Mhairdíog, Cathair Chorcaí
Rún: ‘Is míbhuntáiste é ár spleáchas ar an teicneolaíocht in Éirinn’.
Dóibh siúd nach mbeidh in ann freastal ar an ócáid beidh na díospóireachtaí á chraoladh beo ar cainéal YouTube Gael Linn ANSEO
CRÍOCH
Tuilleadh Eolais:
Lauren Ní Mhaoileanaigh, 087 057 8801 / lauren@gael-linn.ie