Táimid ag lorg Comhordaitheoir Foirne Gaelbhratach chun tacú le forbairt agus bainistiú Gaelbhratach. Beidh an té a cheapfar freagrach as comhordú foirne, bainistiú tionscadail, oiliúint, cumarsáid agus imeachtaí, ag cinntiú go dtugtar tacaíocht éifeachtach do scoileanna agus do rannpháirtithe na scéime Is ról nua meán-bhainistíochta é seo taobh istigh d’fhoireann Gaelbhratach. Beidh an té a cheapfar freagrach do Bhainisteoir Gaelbhratach. Conradh 12 mí atá i gceist leis an ról seo. Tá deis ann go síneofar an téarma ach an maoiniú a bheith ar fáil.
Príomhfhreagraíochtaí
- Ceannaireacht Foirne: Meantóireacht agus tacaíocht a chur ar fáil do bhaill foirne chun oibriú go héifeachtach agus spriocanna straitéiseacha a bhaint amach.
- Bainistíocht Tionscadail: Straitéisí agus pleananna oibre a fhorbairt, lena n-áirítear feabhsú oibríochtaí agus próiseas leanúnach.
- Forbairt & Oiliúint: Cláir oiliúna a chur i bhfeidhm agus seisiúin tacaíochta a reáchtáil do scoileanna agus don phobal oideachais.
- Cumarsáid & Branda: Feidhmiú mar phointe teagmhála lárnach don chlár, bainistiú cumarsáide inmheánach agus seachtrach, agus cur chun cinn na dteachtaireachtaí branda.
- Imeachtaí & Gníomhachtaí: Imeachtaí for-rochtana agus ceardlanna a eagrú, ag cinntiú caighdeán ard cur i láthair agus rannpháirtíochta.
- Tuairisciú & Straitéis: Monatóireacht agus measúnú a dhéanamh ar fheidhmíocht an chláir, tuairiscí a scríobh agus feabhsúcháin a mholadh.
- Dualgaisí eile de réir mar is cuí.
Cáilíochtaí & Scileanna Riachtanacha:
- Líofacht i nGaeilge agus i mBéarla (idir labhairt agus scríobh).
- Scileanna/Taithí ceannaireachta agus bainistíochta foirne.
- Taithí ar bhainistíocht tionscadail agus pleanáil straitéiseach.
- Scileanna cumarsáide agus comhordaithe den scoth.
- Cumas oibriú go neamhspleách agus le foireann.
- Cruinneas agus aird ar mhionsonraí i scríbhneoireacht agus tuairisciú.
- Scileanna láidre Teicneolaíochta Faisnéise (IT) agus eolas ar bhainistiú sonraí.
- Meon dearfach, solúbtha agus dírithe ar fhás.
- Taithí ar imeachtaí a eagrú agus ar thacaíocht a thabhairt d’fhoirne oideachais nó neamhbhrabúis.
- Láncheadúnas tiomána agus teacht ar charr (mar gheall ar thaisteal riachtanach don ról).
Critéir Inmhianaithe:
- Eolas agus tuiscint ar Earnáil na Gaeilge
- Eolas ar chórais oideachais in Éirinn agus tuiscint ar riachtanais scoileanna
- Eolas agus tuiscint ar an Earnáil Neamhbhrábúis nó/agus ar an Earnáil Phoiblí
- Taithí ag cruthú ábhair nó/agus áiseanna a d’imir tionchar leathan
- Taithí Ceannaireachta Foirne
- Taithí ag bainistiú tionscadail
- Taithí ar bhainistiú branda nó feachtais phoiblí
- Taithí ag scríobh tuairiscí nó/agus pleananna gnímh/scileanna straitéiseacha inléirithe
- Taithí le bogearra deartha
Beidh an post lonnaithe i gCeannáras Gael Linn, 35 Sráid an Dáma, Baile Átha Cliath 2. Bíonn taisteal i gceist leis an ról seo chun imeachtaí a chur ar siúl in ionaid éagsúla timpeall na tíre.
Seol CV agus litir chumhdaigh as Gaeilge chuig
AD@gael-linn.ie más spéis leat cur isteach ar an ról seo roimh an g
Céadaoin 26 Márta 2025.
Ag eascairt as an gcomórtas seo, d’fhéadfadh Gael Linn painéal nó painéil a chruthú óna bhféadfar folúntais chomhchosúla a líonadh amach anseo.
I gcás ina gcruthaítear painéal, forchoimeádann Gael Linn an ceart chun a cinneadh nach gcuirfear ach líon áirithe ar an bpainéal sin. Ní hionann áit ar phainéal agus cinnteacht de phost, áfach.