Ag Obair Linn
Fáilte go leathanach gairmeacha Gael Linn, áit a bhfuilimid tiomanta do chur chun cinn na Gaeilge agus an chultúir trí scéimeanna agus cláir nuálacha. Bímid i gcónaí sa tóir ar dhaoine paiseanta a roinneann ár luachanna agus atá ag iarraidh cabhrú linn ár spriocanna a bhaint amach.
Daoine paiseanta a roinneann na luachanna céanna linn
Is iad na príomhaidhmeanna atá ag Gael Linn ná daoine a chumasú chun taithí dhearfach a bheith acu leis an nGaeilge agus an bealach a éascú dóibh teacht ar an iliomad deiseanna a bhaineann leis an teanga go sóisialta agus go proifisiúnta.
Ár gCroí-phrionsabail
In Gael Linn, mairimid de réir na bprionsabal seo a leanas:
- Bí dílis do d'fhocal
- Bíonn an t-ionracas i gcroílár gach a ndéanaimid. Creidimid i macántacht agus i dtrédhearcacht.
- Déan do dhícheall
- Déanaimid ár ndícheall i gcónaí barr feabhais a bhaint amach inár n-iarrachtaí uilig.
- Bí chun tosaigh
- Is iad nuálaíocht agus réamhbhreathnú a thiomáineann ár ngníomhartha. Déanaimid ár ndícheall dúshláin agus deiseanna a aithint roimh ré.
- Ná déan talamh slán de thuairim
- Tugaimid aghaidh ar gach cás le hintinn oscailte, ag lorg soiléireachta.
- Tuiscint a lorg ar dtús
- Tá comhbhá agus tuiscint ríthábhachtach. Éistimid go gníomhach agus déanaimid iarracht tuiscint a fháil sula bhfreagraímid.
- Seic 1, 2, 3
- Bíonn aird ar mhionsonraí ríthábhachtach. Cinntímid cruinneas agus críochnúlacht inár gcuid oibre.
Cé muid?
Is foireann muid a léiríonn na tréithe seo a leanas:
- Spreagúil
- Spreagaimid a chéile agus an pobal chun ár spriocanna a bhaint amach.
- Cruthaitheach
- Cuireann ár gcruthaitheacht borradh faoinár dtionscadail agus faoinár dtionscnaimh, ag tabhairt smaointe úra chun beatha.
- Cineálta
- Treoraíonn cineáltas agus meas ár n-idirghníomhaíochtaí le comhghleacaithe agus leis an bpobal.
- Iontaofa
- Is tréith lárnach í an iontaofacht. Is féidir leat brath orainn chun torthaí a sheachadadh.
- Fuinniúil
- Is é ár ndíograis agus ár bhfuinneamh a thiomáineann ár rath.
- Réiteach-dhírithe
- Téimid i ngleic le dúshláin go díreach agus aimsímid réitigh éifeachtacha.
- Tuisceanach
- Cuirimid luach ar chomhbhá agus ar thuiscint inár gcaidreamh go léir.
- Eagraithe
- Tá eagrúchán agus éifeachtúlacht lárnach dár n-oibríochtaí.
- Proifisiúnta
- Tá gairmiúlacht le feiceáil inár n-iompar agus inár n-eitic oibre.
- Dearfach
- Cuidíonn dearcadh dearfach linn constaicí a shárú agus rath a bhaint amach.
- Praiticiúil
- Táimid pragmatach agus dírithe ar réitigh phraiticiúla.
Bí mar chuid den fhoireann
Má tá tú paiseanta faoin nGaeilge agus faoin gcultúr, agus má bhaineann ár bprionsabail agus ár luachanna leat, tugaimid cuireadh duit deiseanna fostaíochta linn a fhiosrú. Le chéile, is féidir linn tionchar dhearfach a imirt agus saibhreas na Gaeilge a chur chun cinn.
Féach ar ár bhfolúntais reatha agus cuir isteach ar phost inniu le bheith mar chuid de Gael Linn, mura bhfeiceann tú folúntas reatha atá oiriúnach duit ach más mian leat a bheith ag obair linn, seol do shonraí chuig ad@gael-linn.ie.
Oibrímis le chéile chun todhchaí níos gile a chruthú don teanga agus don chultúr Gaeilge.
Oscailtí Reatha
Cuireann Gael Linn réimse leathan cúrsaí ar fáil do fhoghlaimeoirí de gach aois ó glanthosaitheoirí go daoine a bhfuil ardleibhéal líofachta acu. Bímid i gcónaí ag cur lenár bpainéal teagascoirí do na cúrsaí seo a bhíonn ar siúl ar líne agus in oifigí Gael Linn ar Shráid an Dáma.
Cuirimid cúrsaí cumarsáide ar siúl do dhaltaí idirbhliana i rith na bliana chomh maith. Má tá Gaeilge líofa agat chomh maith le taithí ag plé le scriopt a scríobh, eagarthóireacht a dhéanamh, físeáin a thaifead srl, seol cv chugainn agus cuirfear san áireamh thú le cúrsaí a theagaisc amach anseo.
Cuir isteach